ৰাজ্যসংঘৰ শরণাৰ্থী বিষয়াৰ উচ্চ আয়ুক্ত (UNHCR)-এ সদ্য প্ৰকাশ কৰা এটা প্ৰতিবেদন অনুসৰি, পৃথিৱীজুৰি প্ৰায় ১২৩.২ নিযুত লোক—অথাৎ প্ৰত্যেক ৬৭ জনৰ ভিতৰত ১ গৰাকী—জোৰপূৰ্বকভাৱে স্থানচ্যুত হৈ আছে। এই সংখ্যা ২০২৩ ৰ অন্ত পৰ্যন্ত সময়ছোৱাৰ পৰা ৭ নিযুত বৃদ্ধি পাইছে, যিটো ৬% বৃদ্ধিৰে এখন ১৩ বছৰীয়া ঊর্ধ্বমুখী প্ৰৱণতা অব্যাহত ৰাখিছে। যদিও ২০২৫ চনৰ প্ৰথম চাৰিটা মাহত জোৰপূৰ্বক স্থানচ্যুত লোকৰ সংখ্যা অলপ হ্ৰাস পাই ১২২.১ নিযুতলৈ নামি আহে বুলি UNHCR-এ অনুমান কৰিছে।
এই প্ৰতিবেদনটোত বিশ্বজুৰি চলি থকা সংঘাত আৰু সংকটৰ ফলত সৃষ্ট স্থানচ্যুতিৰ ওপৰত গুৰুত্ব আৰোপ কৰা হৈছে। UNHCRৰ উচ্চ আয়ুক্ত ফিলিপ্পো গ্ৰাণ্ডিয়ে কয় যে, "আন্তৰ্জাতিক সম্পৰ্কত তীব্ৰ অস্থিৰতাৰ সময়ছোৱা আমরা পাৰ কৰি আছো, য'ত আধুনিক যুদ্ধই ভয়ংকৰ আৰু জটিল পৰিস্থিতি সৃষ্টি কৰিছে, আৰু ইয়াৰ ফলত বিশাল পৰিমাণৰ মানুহ দুখ-যন্ত্ৰণাত ভুগিছে।" তেওঁ সংকটৰ সমাধান বিচাৰি আৰু স্থায়ী শান্তিৰ বাবে সহায় কৰাৰ আহ্বান জনায়।
মুঠ ১২৩.২ নিযুত স্থানচ্যুত লোকৰ ভিতৰত ৭৩.৫ নিযুত ব্যক্তিয়ে নিজৰ দেশতে ভিতৰুৱাভাৱে স্থানচ্যুত হোৱা বুলি জানিবলৈ দিয়া হৈছে, যাৰ প্ৰধান কাৰণ হৈছে সংঘাত, ৰাজনৈতিক অস্থিৰতা বা প্ৰাকৃতিক দুৰ্যোগ। ২০২৩ ৰ তুলনাত এই সংখ্যাটো ৬.৩ নিযুত বৃদ্ধি পাইছে। এই ভিতৰুৱাভাৱে স্থানচ্যুত ব্যক্তিসকলে বৰ্তমান বিশ্বজুৰি জোৰপূৰ্বক ঘৰুৱা স্থানচ্যুতসকলৰ প্ৰায় ৬০% অংশ গঠন কৰে। গাজাত, UNRWA-এ অনুমান কৰিছে যে ইজৰায়েলৰ চলি থকাৰ সামৰিক আক্ৰমণৰ ফলত ৯০% ৰো অধিক জনসংখ্যা, অৰ্থাৎ ২০ লাখতকৈও অধিক লোক, স্থানচ্যুত হৈছে।
উদ্বাস্তুৰ মুঠ সংখ্যা ২০২৪ চনত ৪২.৭ নিযুতলৈ নামি আহিছে, যিটো ২০২৩ ৰ তুলনাত ৬১৩,৬০০ জন হ্ৰাস। ইয়াৰ ভিতৰত ৩১ নিযুত UNHCR ৰ অধীনত, ৫.৯ নিযুত UNRWA ৰ অধীন ফিলিস্তিনীয় উদ্বাস্তু, আৰু আন ৫.৯ নিযুত লোকক আন্তৰ্জাতিক সুৰক্ষা প্ৰয়োজন। আফগান, ছিৰিয়ান আৰু ইউক্ৰেইনীয় উদ্বাস্তুৰ নতুন তথ্যৰ আধাৰত এই হ্ৰাস দেখা গৈছে, যদিও চুদানৰ উদ্বাস্তুৰ সংখ্যা ৬ লাখ বৃদ্ধি পাই ২.১ নিযুত হৈছে।
আনহাতে, আশ্ৰয় বিচাৰোতাসকলৰ সংখ্যা উল্লেখযোগ্যভাৱে বৃদ্ধি পাইছে—যিসকলে নিজৰ দেশত নিৰ্যাতন বা বিপদৰ ভয়ত অন্য দেশত সুৰক্ষা বিচাৰে। এই সংখ্যা বৰ্তমান ৮.৪ নিযুত, যিটো আগৰ বছৰৰ তুলনাত ২২% বৃদ্ধি।
