সেনা প্ৰধানে জম্মু আৰু কাশ্মীৰৰ অগ্ৰসৰ সীমান্ত অঞ্চলসমূহ পৰিদৰ্শন কৰি ‘অপাৰেচন সিনদূৰ’ত সেনাৰ অৱদানৰ প্ৰশংসা কৰিলে

বৃহস্পতিবাৰে সেনা প্ৰধান জেনেৰেল উপেন্দ্ৰ দ্বিবেদীয়ে শ্ৰীনগৰ, উৰী আৰু উচ্চি বাছীসহ চিনাৰ ক’ৰ্পছৰ ডেগাৰ ডিভিছনলৈ কৰা অগ্ৰসৰ অঞ্চলসমূহৰ পৰিদৰ্শনকালত অপাৰেচন সিনদূৰত সৈনিকসকলৰ উৎকৃষ্ট ভূমিকাৰ বাবে তেওঁলোকৰ প্ৰশংসা কৰে। সেনা সূত্ৰৰ মতে, এই পৰিদৰ্শনৰ মূল উদ্দেশ্য আছিল অভিযানৰ পৰ্যালোচনাৰ উপৰিও সকলো শাখা আৰু সেৱাৰ সৈনিকসকলৰ সাহসিকতা আৰু মনোবলক শ্ৰদ্ধা জনোৱা, যিসকলে পাকিস্থানী আকাশ আৰু স্থল আক্ৰমণ ব্যৰ্থ কৰাত মুখ্য ভূমিকা লৈছিল। এই পৰিদৰ্শনে জম্মু-কাশ্মীৰৰ গুৰুত্বপূৰ্ণ সীমান্ত অঞ্চলসমূহত তহল দি থকা সেনাৰ উচ্চ মনোবল আৰু যুদ্ধ সজাগতা প্ৰতিপন্ন কৰে।