দালাই লামাই ৯০ বছৰ পূৰ্ণ কৰিলে, ‘এজন সাধাৰণ বৌদ্ধ ভিক্ষু’ হিচাপে শান্তি প্ৰচাৰত আগবাঢ়ি থাকিব বুলি প্ৰতিশ্ৰুতি দিলে

তিব্বতী বৌদ্ধ ধৰ্মৰ আধ্যাত্মিক নেতা দালাই লামাই ৯০ বছৰীয়া হ’ল আৰু এই উপলক্ষ্যে জনসাধাৰণলৈ এক হৃদয়স্পৰ্শী বাৰ্তা প্ৰেৰণ কৰি সকলোলৈ সহানুভূতি আৰু আন্তৰিক শান্তিৰ আহ্বান জনালে। তেওঁ নিজকে “এজন সাধাৰণ বৌদ্ধ ভিক্ষু” হিচাপে বৰ্ণনা কৰি, মানৱ মূল্যবোধ, ধৰ্মীয় সম্প্ৰীতি আৰু তিব্বতী সংস্কৃতিৰ প্ৰচাৰত আগবাঢ়ি থাকিব বুলি প্ৰতিশ্ৰুতি দিলে। শান্তিদেৱৰ উদ্ধৃতি দিয়া দালাই লামাই কৈছিল, জীৱন থকাৰ পৰ্যন্ত মানুহৰ দুখ-দুৰ্দশা দূৰ কৰিবলৈ তেওঁ কাম কৰি যাব। মেক্ল'ডগঞ্জত দালাই লামাৰ জন্মদিন উপলক্ষে প্ৰাৰ্থনা, আলোচনী সভা আৰু সাংস্কৃতিক কাৰ্যসূচী অনুষ্ঠিত হয়। তেওঁ আশা প্ৰকাশ কৰিলে যে তেওঁ আৰু ৩০–৪০ বছৰ জীৱিত থাকি লোকসেৱা কৰিব পাৰে। প্ৰধানমন্ত্ৰী নৰেন্দ্ৰ মোদীয়ে তেওঁৰ জন্মদিনত শুভেচ্ছা জ্ঞাপন কৰি দালাই লামাক প্ৰেম, সহানুভূতি, ধৈৰ্য আৰু নৈতিক অনুশাসনৰ এক স্থায়ী প্ৰতীক বুলি অভিহিত কৰিলে আৰু তেওঁৰ শান্তি আৰু সম্প্ৰীতিৰ বিশ্বজনীন বার্তাৰ প্ৰশংসা কৰিলে।